Савлалт, эмийн хэлбэр: Тарилгын шингэн, 100мл №1

Найрлага:
Үйлчлэгч бодис: Ципрофлоксацин 2гр-тай дүйцэх ципрофлоксацины гидрохлоридын моногидрат.
Туслах бодис: натрийн хлорид – 9гр, 100% д тооцоход сүүний хүчил 0,65гр, динатрийн эдетат дигидрат– 0,2гр, тарианы ус – 1л хүртэл.

Фармакологийн үйлдэл:
Фторхинолоны бүлгийн микробын эсрэг өргөн хүрээний үйлдэлтэй бэлдмэл. Бактерицид үйлдэл үзүүлнэ. Бэлдмэл нь бактерийн ДНХ-гираза ферментийг дарангуйлснаар ДНХ-ийн репликац алдагдаж, бактерийн эсийн уургийн нийлэгжилтийг саатуулна.
Тайван үе шатанд байгаа бичил биетний өсөлт үржилд нөлөөлнө.

Ципрофлоксацинд мэдрэг грам сөрөг агаартан бактериуд: энтеробактериуд бусад грам сөрөг бактериуд, эсийн доторх зарим үүсгэгчид – Legionella pneumophila, Brucella-ийн омгууд, Listeria monocytogenes, Mycobacterium tuberculosis, Мycobacterium kansasii;
Грам эерэг агаартан бактериуд: Staphylococcus-ийн, Streptococcus-ийн омгууд.
Bacillus anthracis-ийн эсрэг идэвхитэй нөлөөлнө.

Метициллинд тэсвэртэй ихэнхи стафилококкууд ципрофлоксацинд тэсвэртэй байдаг.
Дараах бичил биетнүүд уг бэлдмэлд тэсвэртэй: Bacteroides fragilis, Pseudomonas cepacia, Pseudomonas maltophilia, Ureaplasma urealyticum, Clostridium difficile, Nocardia asteroides.

Хэрэглэх заалт:

Ципрофлоксацинд мэдрэг бичил биетнээр үүсгэгдсэн бактерийн халдваруудад хэрэглэнэ. Үүнд:

Амьсгалын доод замын өвчнүүд;

ЧХХоолойн эрхтэнүүдийн халдвар (хамрын дайвар хөндийн цочмог үрэвсэл);

Бөөр, шээс ялгаруулах замын халдвар (цистит, пиелонефрит);

Перитонит гэх мэт хэвлийн хөндийн халдварын хүндрэл (метронидазолтай хавсруулна);

Бактерийн шалтгаант түрүү булчирхайн архаг халдвар;

Хүндрэлгүй заг хүйтэн;

Хижиг;

Халдварт суулгалт;

Арьс, зөөлөн эдийн халдвар (халдварласан шархлаа, шарх, түлэгдэлт, буглаа, нэвчдэс);

Яс, үе (остеомиелит, үжилт артрит);

Септицеми;

Дархлаа дутагдлын суурин дээр үүссэн халдвар;

Уушгины хэлбэрийн боом өвчний эмчилгээ, урьдчилан сэргийлэлтэнд хэрэглэнэ.

Мэс заслын үеийн халдвараас урьдчилан сэргийлэхэд хэрэглэнэ.

Хэрэглэх арга,тун:
Венийн судсанд дуслаар тарина.
200мг-ийг (100мл дуслын уусмал) венийн судсанд 30минутаас багагүй хугацааны турш тарих хэрэгтэй. Дуслаар тарих уусмалыг 0,9% натри хлорид, Рингер, Рингер лактат, 5% ба 10% декстроз, 10% фруктозын уусмал түүнчлэн 0,225-0,45% натри хлоридтой 5% декстрозын уусмал зэрэгтэй хольж болно.

Насанд хүрэгчдэд хэрэглэх. Амьсгалын доод замын халдварын үед 200-400мг тунгаар хоногт 2 удаа хэрэглэнэ. Шээс ялгаруулах замын халдварын үед: цочмог хүндрэлгүй үед – 100мг тунгаар хоногт 2 удаа; эмэгтэйчүүдийн циститийн (цэвэршилт хүртэл) үед нэг удаа 100мг тунгаар; хүндрэлийн үед 200мг тунгаар хоногт 2 удаа хэрэглэнэ. Хүнд хэлбэрийн халдвар ялангуяа Pseudomonas, Staphylococcus –аар үүсгэгдсэн үед 400мг тунгаар хоногт 3 удаа хэрэглэнэ.

Дундаж ээлж эмчилгээ остеомиелитийн үед 2 сараас хэтрүүлэлгүй хугацаанд, бусад бүх халдварын үед 7-14 хоног хэрэглэнэ.

Хүүхдэд хэрэглэх. Pseudomonas aeruginosa –аар үүсгэгдсэн 5-17 хүртэл насны хүүхдийн уушгины муковисцидозын хүндрэлийн эмчилгээнд 10мг/кг тунгаар хоногт 3 удаа хэрэглэнэ (дээд тун 1200мг). Эмчилгээний үргэлжлэх хугацаа 10-14 хоног.

Хориглох заалт:
Ципрофлоксацинд эсвэл фторхинолоны бүлгийн бусад бэлдмэлд түүнчлэн туслах бодист хэт мэдрэг; тизанидинтэй хамт хэрэглэх (артерийн даралт илт буурах, нойрмоглох эрсдэлтэй);

18 хүртэлх өсвөр насны болон бага насны хүүхэд (Pseudomonas aeruginosa –аар үүсгэгдсэн 5-17 хүртэл насны хүүхдийн уушгины муковисцидозын хүндрэлийн эмчилгээ; уушгины хэлбэрийн боомын эмчилгээ, урьдчилан сэргийлэлтээс бусад)- д хэрэглэхийг хориглоно.
Жирэмсэн үед хэрэглэхийг хориглоно.

Хөхүүл үед хэрэглэх шаардлагатай бол эмчилгээний үед хөхөөр хооллолтыг зогсооно.

Гаж нөлөө:
Харшлын урвал: арьсны загатнаа, нүүр, төвөнх хавагнах, амьсгаадах,
Хоол боловсруулах тогтолцооны талаас: дотор муухайрах, суулгах, бөөлжих, хэвлийгээр өвдөх, гэдэс дүүрэх, хоолны дуршил буурах
Төв мэдрэлийн тогтолцооны талаас: толгой эргэх, толгой өвдөх,
Хэсэг газрын хариу урвал: венийн судасны үрэвсэл, тарьсан хэсэгт эмзэглэх, хавагнах.

Эмийн сангийн олгох нөхцөл: Эмчийн жороор олгоно.

Хадгалалт:
Гэрлийн нөлөөнөөс хамгаалан, 25 С ихгүй хэмд, хүүхэд хүрэхээргүй газарт хадгална. Хөлдөөж болохгүй.

Үйлдвэрлэгч: ОАО <<Красфарма>>, ОХУ